Aleqap peqquserlussimanermit eqqartuussaasimanini isertuuppaa

Aleqa Hammondip Dankortini matuneqarsimagaluartoq Nuummi Hotel Godthåbimi qaammatit marluk ingerlaneranni arfineq marloriarlugu atoramiuk peqquserluttuliorpoq.

Peqquserluttuliornermini aningaasat 5.100 koruunit atorpai, Aleqa Hammondillu Sermersuup Eqqartuussiviani eqqartuussaanini akueraa. Aleqa Hammondip 3.000 kr.-inik pillaatitut akiliisitsissutit akilersimavai. Berlingske Tidende eqqartuussivimmi allagaatinik takunninnissamut piumasaqarnermigut tamatuminnga ilisimasaqalerpoq.

Atassutip siulittaasua Gerhardt Petersen suliaq pillugu Berlingske Tidendemit saqqummiigivigineqarami oqaaseqarumasimanngilaq. Aviisimulli kingusinnerusukkut nalunaarpoq, nammineq partiinilu Naalakkersuisut siulittaasuannut tamakkiisumik tatiginnillutik.

Berlingske Tidende aamma Aleqa Hammondimut mailikkut attaveqarsimavoq, taassuma nalunaaquttap akunneri arfineq pingasut qaangiutsinnagit oqaaseqarnissaa kissaatigalugu, Aleqa Hammond-ili saaffiginnissummut akisimanngilaq.

Berlingske Tidendemi allaaserisaq tamaat uani tuarsinnaavat: http://www.b.dk/nationalt/groenlands-regeringschef-tav-om-gammel-dom-for-bedrageri