Aalisariutit angisuut aningaasanik qaloorisuupput

Tassami aalisakkanik tunisassiorfissuit inuiaqatigiit aningaasat kaaviaartitaasa 23 procentiinik pilersirsisarput.

Nalunaarusiami Kalaallit Nunanni Sulisitsisut Peqatigiiffiata suliarititaani ippassaq ualikkut saqqummiunneqarnerani taama inerniliisoqarpoq.

- Inuit inuiaqatigiinnut akornutaasutut isiginiartarpaatigut. Maannali nalunaarusiakkut uppernarsaaserparput, inuiaqatigiinnut aamma iluaqutaasartugut, Kalaallit Nunaanni Sulisitsisut Peqatigiiffiata aalisarneq pillugu ataatsimiititaliaani siulittaasoq Henrik Leth taama oqarpoq.

Taassuma peqatigiiffimmi ilaasortaasa inuiaqatigiini ajornartorsiutitut isigineqartarnerat qatsuppaa.

Tassaami nalunaarusiami ippassaq saqqummiunneqartumi erserpoq, aalisarnermi isertitat eqqarsaatigigaanni,

aalisarnermi suliffeqarfiit annerpaat, soorlu Henrik Lethip nammineq suliffeqarfiutaa Polar Seafood,  nunatta karsianut isaaatitsinerpaasartut nunatsinnut isaatsitsinerpaasartut, aalisartullu ataasiakkaat aalisariutillu minnerit pinatik.

- 1990-imitulli 55-inik nunatta kilisaataateqarnissaanut inissaqanngilaq. Kilisaatit raajarniutit angisuut maanna arfiniliinnaapput. Tassalu aalisartut aningaasarsiussappata taamaattariaqarpoq. Taamaammat aningaasarsiussagaanni angisuujunissaq pisariaqarpoq, Henrik Leth oqarpoq.

Nalunaarusiaq taassuma oqaluuserisaa Aalisarnerup silarsuaani suliffeqarfiutillit annerpaat, GA-mi ilaasortaasut, Copenhagen Economicsimut imissutisimasaraat. Nalunaarusiallu takutippaa, aalisakkanut tunisassiorfiit aalisariutillu angisuut Nunatsinnut pingaaruteqarluinnartuusut, aalisarnikkut amerlanerpaanik isertitsisaramik. aalisartut tamakkerlutik ukiumut 2,5 milliard koruunit kaaviaartittarpaat.

Naak Naalakkersuisut aalisarnermi piginneqatigiiffinnut annerusumik piumasaqarfigineqalertussaagaluartut, piginneqatigiiffiit tamakkua matoqqajaanngillat.

- Piginneqatigiiffissuit matujumaarnissaat ilimaginngilara, kisianni soorunami Naalakkersuisut akileraarutinik amerlanerusunik atuutilersitsippata nutarsaanissamut akissakinnerulissapput, taavalu qaquguunerpoq ingammik raajarniat atortui qanganitsissapput nutaanillu atortorseqqitoqarani.

GA-p aalisarneq pillugu ataatsimiitsitaliami siulittaasuaq Henrik Leth taama oqarpoq.

Nalunaarut uani atuaruk "Kalaallit Nunaanni aalisarnerup aningaasaqarnikkut sunniutai" her: 

http://www.ga.gl/LinkClick.aspx?fileticket=y6mjU5ba8vU%3D&tabid=36&language=da-DK