VIDEO Ujaasineq misigissutsitigut sakkortuvoq

Umiatsiaq Appat eqqaanni umiulernerminik kalerrisaarisoq politiinit marlunngormat unnukkut kalerrinneqarpoq, Daavimilu aquttoq Joel Petersen ujaaseqataavoq.
Allattoq Mads Lynge
aggustip 29-at 2014 13:46

- Ujaaseqataanerput sakkortuvoq. Inuttut misigissutsikkut, inuttaalluni sakkortuutut aamma tigusassaavoq, Joel Petersen oqarpoq.

- Unnuk taanna anorlerpoq sakkortuumik nillertorujussuullunilu, inuillu nassaarineqarfiata nalaani iluliarpassuaqarluni, Joel Petersen KNR-imut oqarpoq.

- Timaat isigilerlugit, nakkutiginninnitsinni misigissutsikkut inuttut tamatta eqqorteqqavugut, Daavimi aquttoq oqarpoq.

AAMMA ATUARUK Ujaasineq pillugu ullaaq manna aalajangiisoqassaaq

 

Nuliariit ajunaartut Danmarkimeersuupput, aappai Fredericiameersut aappaallu Aarhusimeersip eqqaaninngaanneersuullutik. Ajunaarsimasut Appat eqqaanni nassaarineqarput, umiatsiamillu aquttoq, angallallu Nord Star 26, suli nassaarineqarsimanngillat.

- Neriuppugut nassaarineqarsinnaassasoq, ajunngitsorluunniit nassaarineqarnissaa assut kissaatiginaraluarpoq, Joel Petersen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq