VIDEO Kunngissakkut Nuutoqqami sissiukkami
Kunngikkut umiarsuaat Dannebrog Nuummut sisamanngorpat tikippoq. Kunngissakkut Hotel Hans Egedemi nereqatigiinnermut peqataaniassamata Nuup umiarsualivianut talilluni.
Sissiukkamut Nuutoqqamiittumut ilaqutariit niuniassammata, tallimanngormat ullaakkut umiarsuaq uiarpoq.
Ilaqutariit kunngikkormiut Nuummut tikilluaqqulluarneqarnerat videomi takusinnaavat.
AAMMA ATUARUK ASSIT Kunngikkormiut Nuummi neriartoqquneqartut.
Meeqqat kalaallisuui kusanartut Nunatsinni kommunenit sisamanit tunissutaapput.
Prins Christianip kitaamiutut atisai Nuummi mersortarfimmi Kittani suliaapput, mersortartut tallimat Jonna Kleistimit siulersorneqarlutik atisai suliarisimavaat.
Prinsesse Isabella Tunumiutuunik atisaqarpoq, Taila Ignatiussenip Tasiilami mersortarfimmi Skævenimi aammalu Kirstine Berthelsenip Sisimiuni Kalaallisuuliornermik Ilinniarfimmi mersugaannik, ammit ilinniartut piareersarsimavaat.
Prins Minik prinsesse Ivalolu Avanersuarmiutut atisaqarput Qaanaarmiut Birthe Jensenip aamma Tukummeq Pearyp mersugaannik.