VIDEO Inunnut ataasiakkaanut tunngasunik sakkortuumik pisoqartillugu Facebookip atorneqartarnera politiit mianersoqqussutigaat
Angut 24-nik ukioqartoq Qaqortumi Tasersuarmi arfininngormat nalunnguartilluni ipilluni ajunaarpoq. Ajunaartup ikinngutaasa ajunaartup atia taallugu Facebookimi allaaseraat, tamannalu sukkasuupilussuarmik siaruaatilertupallappoq, politiillu tamanna sioqqullugu ilaqutaasut ajoraluartumik kalerrissinnaasimanngilaat.
Allattoq Simon Uldum
aggustip 20-at 2014 11:02
Bent Ole Kleist, Kujataata politiivini pisortap kaammattuutigaa, toqusut ajunaartullu ilaqutaat ataqqineroqqullugit inuit attaveqaqatigiittarfiini allaaserinnginnerini.
- Facebook tusagassiuutaavoq sukkasuupilussarmik siammarteriffiusinnaasoq. Toqusoqarsimanera inunnit Facebookimi takuneqarsimatillugu siarnguttoqalersarnera ilaqutaasunut qimagaasunullu allanut nuannernavianngilaq.
- Facebook aqussinnaanngilarput. Ilaqutaasulli ataqqillugit inuit eqqarsarluaqqaartariaqarput, Bent Ole Kleist KNR-imut oqarpoq.
