USA-p aallartitaata Jens-Frederik Nielsen ataatsimeeqatigissagaa

Naalakkersuisut siulittaasuata Jens-Frederik Nielsenip (D) USA-p Kalaallit Nunaannut immikkut aallartitaa Jeff Landry ataasinngornermi ataatsimeeqatigissavaa.

Tamanna Jens-Frederik Nielsenip TV 2-mut uppernarsarpaa.

Jeff Landry, USA-mi Louisianami guvernøriusoq, Nuummut sapaatiummat tikippoq.

Ataatsimiinnermi suna oqaluuserineqarnersoq qaquguluunniit ataatsimiittoqassanersoq, TV 2-mut oqaatigineqanngilaq.

Jeff Landry Kalaallit Nunaannut immikkut aallartitatut atorfimmut pilersinneqaqqammersumut siorna decembarimi toqqarneqarpoq.

USA-mi præsidentip Donald Trumpip USA Kalaallit Nunaat isumannaallisaanissaq pissutigalugu arlaleriarluni pisariaqartinnerartarlugu taama pisoqarpoq.

- Kalaallit Nunaat USA-mut ilanngunniarlugu kajumissutsimik kiffartornerit ataqqinaataangaarpoq, Jeff Landry toqqarneqarami X-imut taama allappoq.

Fox News-imili USA “nunamik arlaannaannilluunniit tiguaanianngitsoq”, toqqagaaneranit ullualuit qaangiummata apersorneqarami erseqqissaatigaa. 

Amerikamiut konsuuleqarfiat atoqqaarfissiussagaa

USA-p Danmarkimi aallartitaa Ken Howery sapaatip akunnerata tulliani nunatsinnukarnissaa naatsorsuutigineqarpoq.

USA-p konsuuleqarfiata Nuummi allaffeqarfia nutaaq aallartitap atoqqaartissavaa, inuussutissarsiornermik nittarsaassinermut Landrylu marlunngornermi pingasunngornermilu peqataanissaat naatsorsuutigineqarpoq.

Jeff Landry DR-imut Nuummut tikikkami oqaluttuarpoq, Kalaallit Nunaannukartinnani Trump arfininngornermi oqaloqatigisimallugu.

- Oqarpoq: Tappannarlutit sapinngisamik amerlasuunik ikinngutissarsiortigut, Landry DR-imut oqarpoq.

Jeff Landryp Kalaallit Nunaannut immikkut aallartitaanermini tikeraarsimaneranik pisortatigoortumik nalunaaruteqartoqarnikuunngilaq.

Takornarialerisut ilaata Kalaallit Nunaanni qimussimik sukkaniunnermi pissartanngorniunnermut marsimi qaaqqusimavaa.

Qaaqqusissut tamanna aaqqissuisunit iluarineqanngilaq, suliffeqarfiullu qaaqqusissut kingusinnerusukkut tunuartippaa.

/ritzau/