USA iligiinnut: Kikkut eqqisseqatigiinnissamut Ukrainemi sakkutuuliiumappat?
Ukrainemi eqqisseqatigiittoqarnissamik aaqqissutaasinnaasumik siunnersuummik USA-mit europami oqartussanut nassiussisoqarpoq.
Eqqisseqatigiittoqarnissamik siunnersuummi apeqqusersorneqarpoq nunat sorliit Ukrainemut illersuillutik peqataarusunnersut, taamatuttaaq qanoq amerlatigisunik sakkutuuliisoqarnissamik pilersaartoqarnersoq apeqqutini ilanngunneqarpoq.
Eqqisseqatigiinnissamut siunnersuummi ilaatigut apeqqutinik arfinilinnik imaqartumik nutaarsiassaqartitsivik Reuters uppernarsaavoq.
- Eqqisseqatigiinnissamut isumaqatigiissut naapertorlugu nunat allat sorsuunnermi ilaassappata europamiut qanoq pilersaarpat? Qassinik sakkutuuliisoqassava, taakku kia ataqatigiissassavai? Qanoq sakkutuuliineq ingerlanneqassava qanorlu sivisutigissava? Taakkuupput USA-mit nassiunneqartumi apeqqutit ilanngunneqartut ilai.
Isumannaatsuunissap qularnaveeqqusernissaanut sutigut USA europamiunit atorfissaqartinneqassanersoq ilaatigut USA-mit apeqqutigineqarpoq.
Europami nunani oqartussat tamalaat Ruslandimut pillaatitut iliuuseqarnerunissamut piareersimanersut apeqqutini ilanngunneqarpoq.
Nunat sorlerpiaat europami taama apeqquteqarfigineqartut eqqaaneqanngillat.
Apeqqutinili nassiunneqartuni - arfinininngormalli eqqartorneqalereersuni - nunat sisamat aperineqarsimanertik Reutersimut uppernarsarpaat.
