Uranimut akuersaanngilluinnarneq atorunnaarsinneqarpoq
Naalakkersuisooqatigiit Siumut Atassullu uranimut akuersaanngilluinnarnerup atorunnaarsinnissaa 15-inik taasisoqarneratigut iluatsippaat.
Allattoq Simon Uldum
Illuatungeriit taasinermik ataasiinnarmik nikingapput. Demokraatit, Inuit Ataqatigiit, Partii Inuit kiisalu Hans Enoksenip Siumumeersup 14-iullutik taasinermikkut siunnersuutip itigartinnissaa iluatsinngitsoorpaat.
Inatsisartut siulittaasuata Lars Emil Johansenip oqiliallappasilluni qungujulaarlunilu Nunatsinni uranimut akuersinngilluinnarnerup taamaasilluni atorunnaarsinneqarnera nalunaarutigaa.