Ujakkaarluni Nunatsinni pissartanngorniunnissanut pilersaarutit ingerlaarfissallu nutaat
Silap upernaarpalaalernera ujakkarluni nunatsinni pissartanngorniunnermik aaqqissuisut ajornartorsiutingingaatsiarsimavaat. Manngunnerata kingunerisaanik ingerlaarfik atorneqartussaagaluartoq sapaatiuppat atorneqarsinnaanngilluinnarpoq. Aaqqissuisullu allamik aaqqiissutissarsisimapput.
Allattoq Peter Troelsen, Simon Uldum
marsip 21-at 2013 10:44
Unamminerit Quassussuup qaavani ingerlanneqartussanngorput, ingerlaarfissarli taanna 1,9 km-iinnammat aaqqissuisut ingerlaarfissanut pilersaarummik nutaamik suliaqartariaqarsimapput. 50 km-inut ingerlaarfissaq 28,5 km-inngortinneqarpoq, angutinullu arnanullu ingerlaarfissaq nalinginnaasumik 30 km-iusartoq 19 km-inut naalineqarpoq.
Unamminerit sapaatiuppat aallartinneqassapput poorskimilu sapaatip akunnerani tallimanngorpat tulliani naggataarfiusussanngorlugu ingerlanneqassallutik. Peqataasut qulinit +65-inut ukioqarput, aamma sisorartartunut innarluutilinnut nunatsinni pissartanngorniutsitsisoqassaaq. Nunatsinni pissartanngorniunnernik aaqqissuisoq tassaavoq NSP.
Pilersaarut allaaserisap ataaniittoq takuuk.
