Ujaasineq taamaatinneqartoq
Kalaallit Nunaanni Politiit aamma Issittumi Sakkutooqarfiup Qeqertarsuup Tunuani inunnik pingasunik ujaasineq unitsippaat.
Ujaasineq taamaatinneqartoq, Issittumi Sakkutooqarfiup pingasunngornermi nalunaarutigaa.
Allattoq Rasmus Balle Hansen
marsip 19-at 2025 14:52
Nutserisoq Connie Fontain
Umiatsiaq inuttaqanngitsoq Qeqertarsuup Tunuani ataasinngornermi nassaarineqarpoq. Inuit pingasut sapaatiummat maqaasineqartutut nalunaarutigineqarput, taamaammat ujaasineq annertooq tamatuma kingorna aallartinneqarpoq. Iluatsitsiffiunngilarli. Ujaasineq ullumi unitsinneqarpoq.
- Inuit pingasut maqaasineqartut ajoraluartumik nassaarineqanngillat, Issittumi Sakkutooqarfik Facebookimi allakkamini paasissutissiivoq.
Naak timmisartoq Challenger, sakkutuut qulimiguuliat sumiiffimilu najugaqartut amerlasuut ujaaseqataagaluartut inuit pingasut nassaarineqanngillat.
