U16-it U19-illu aalajangiiffigineqartussanngorput

Ukiormanna BankNordik U16 aamma U19 aalajangiiffigineqartussanngorput. U16-it niviarsiarartaanni U16-illu nukappiarartaanni unamminerit pissangartut arlallit ingerlanneqarput. Holdit tamarmik ilungersornerat takuneqarsinnaavoq. Arlaannaalluunniit ajugaasussat suli inissivissunngilaq.
Allattoq Peter Troelsen, Simon Uldum
marsip 28-at 2013 09:14

 

U16-it niviarsiarartaanni holdit pingasut arfininngorpat ajugaaniutivinnissamut anngunniupput. Tassalu Kâgssagssuk Maniitsumeersoq, SAK Sisimiuneersoq NÛK Nuummeersoq. Nagdlúnguup Ilulissaneersup SAK  NÛK-lu suli qinngasaalaarsinnaavai. Tamannalu iluatsissagunikku ajuunnerit amerlassusaasa assigiinngissutaat aalajangiisussanngorartarsinnaavoq. Tamannalu sisamanngornermi unamminerup takutikkumaarpaa.

U16-ini GSS-ip kisimi ajugaaniutivinnissaq qulakkeeqqavaa. SAK-p, Kâgssagssuup I-69-illu ulluni tullerni ajugaaniutivinnissamut anngunniartussaassapput. Tamakku tamaasa tallimanngorpat aalajangerneqassapput.

U19-it nukappiarartaat aamma unamminissat pissanganarluinnartut qanittullu ornippaat. Pissartanngorniunneranni sunaluunniit pisinnaarpasippoq. GSS Norsaq HC-lu tamarmik immikkut marlunnik pointeqarput, Nagtoralik NÛK-lu suli pointinnassimanatik. Aammami taakku ataasiaannarlutik unamminikuupput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq