U-14-imi nukappissat ullumi ajugaaniutivissapput
U-14-it nukappissat isikkamik arsaallutik Nunatsinni pissartanngorniunneranni ajugaaniutivilluni unammierit marluusut maanna anguneqarput. Kâgssagssuup hold 1-ii hold 2-ilu ullumikkut bronzennanniussapput, GSS-ilu B-67-ilu ajugaaniutivissallutik.
Allattoq Peter Troelsen, Simon Uldum
juulip 01-at 2013 10:55
Aallarniutaasumik unamminerni angusat tunngavigalugit, Kâgssagssuk 1-p 2-nut unamminissaat ajornarpallaarpasippallaanngilaq. Unammeqqaaramimmi 13 - 1-mik ajugaaffigaat. Bronzennanniunneq nal. 14.00 aallartissaaq.
Ajugaaniutivinneq pissangarluinnartussatut isikkoqarpoq. Unamminerit immikkoortuani siullermi GSS B-67-illu unamminerat 2-2-mik naligiiffiuvoq. Ajugaaniutivinnermi kikkut ajugaassanersut nalunarpoq, taamaammat nal. 15.30 unammineq aallartippat Maniitsumi isiginnaariat pissangarluinnartumik isiginnaagassaqarput.
