Peqqinnissaqarfik nalinginnaasumik ingerlaqqilersoq
Nuugaatsiami ajunaarnersuarmut atatillugu Peqqinnissaqarfimmit ullut 14-it pallingajallugit immikkut ittumik suliaqartoqareernerata kingorna nalinginnaasumik maanna ingerlatsisoqaqqilerpoq.
Allattoq Inge S. Rasmussen
juulip 04-at 2017 14:21
Naalakkersuisut tusagassiuutinut taama nalunaaruteqarput.
- Piffissaq pineqartoq tamakkerlugu Uummannap eqqaani sulisut amerlivagut. Immikkut peqqissaasunik, nakorsanik, portørinik sulisitsivugut anigoruminaatsunillu nalaataqarnermi upalungaarsimatitanut tarnip pissusaanik immikkut ilisimasalinnik ikiorteqarnikkut oqalutseqarnikkullu ikiuulluta, Peqqinnissaqarfiup Aqutsisoqarfiata pisortaa Malene Marie Nielsen oqarpoq.
Pisumut iliuuseqarnissami anigoruminaatsumik nalaataqarnermi upalungaarsimasunut ilaanerup saniatigut Uummannap Napparsimmavia immikkut ikiuuttussanik peqqinnissaqarfimmit sulisulerneqarpoq.
