Spaniami qarsutsinersuaqarnerani inuit 95-init ikinnerunngitsut ajunaartut
Spaniap kangisissuani nunap immikkoortuani Valenciami qarsutsinersuaqarnerani inuit 95-init ikinnerunngitsut ajunaarput.
Valenciami oqartussat nutaarsiassaqartitsivimmut Reutersimut pingasunngornermi taama nalunaarput.
Silasiortut oqarnerat naapertorlugu ukiumut sialuit nakkaasartut marlunngornermi nakkaasut annertoqatigai.
Sialussuartoqareersoq angallanneq ajornakusoorpoq, inuppassuillu suli periarfeerunneqarlutik maqaasineqartut, dpa allappoq.
Spaniap kujasissuani kangisissuanilu illoqarfinniit aqqusinernilu marlunngormalli qarsutsiviupput.
Spaniami illoqarfimmi Leturimi biilit sumi tamaaniittut tv-kkut takutinneqarput.
Spaniami silasiorfimmit marlunngormalli kalerrisaarisoqaraluarpoq, aatsaalli unnukkut nalunaaqutaq arfineq-pingasunut nalunaartoqartoq nutaarsiassaqartitsivik AFP allappoq.
Tamanna annanniartunut amerlasuunut kingusippallaarpoq, amerlasuummi qarsutsinerup annertusiartornerani ilaatigut aqqusinerni pisaritipput.
