Sisimiuni mittarfimmi qaartartumik sioorasaaruteqartoqarnerata kingorna inuerutitinneqartoq
Kalaallit Nunaanni Politiit Sisimiuni mittarfik angutip qaartartumeernissamik sioorasaaruteqarnerata kingunerisaanik pingasunngornermi ualikkut inuerutitippaat.
Allattoq Nicole Sander Bertelsen
maajip 06-at 2026 14:30
Nutserisoq Connie Fontain
Angut Sisimiuni mittarfimmut qaartartumik nalunaaqutaq ataasinngungajalersoq sioorasaaruteqarpoq.
Mittarfimmi sulisut angalasullu biilit unittarfiannut mittarfiup qanittuaniittumut qimagutitinneqarput, bussinillu illoqarfiliaanneqarlutik, pigaartut pisortaat, Aputsiaq Petersen oqarpoq.
Angut sioorasaaruteqartoq kingunitsianngua tigusarineqarpoq, politiillu killisiuinissaminnut utaqqipput.
Mittarfiup inuerutitinneqarnera atorunnaarsinneqartoq mittarfillu nalinginnaasumik ingerlaleqqittoq pigaartut pisortaata KNR-imut nalunaaqutaq 14.20 paasissutissiissutigaat.
