Sermersuumi Politiit angallattunik nakkutilliinermut allaffittaartut
Pingaarnertut suliassaraat illoqarfimmi angallanneq isumannaallisarnerussallugu. Ullullu pingasut ingerlanerinnaani paasineqarpoq immikkoortortaq nutaaq pisariaqartoq.
Immikkoortortaqarfik angallannermik nakkutilliisoqarfiup aallaqqaammut biilinik angallattut oqarasuaatikkut oqaluussiutigalutik biilertut nakkutigivaat, tiimialunnguillu ingerlanerinnaani katillugit 8000 koruuninik akiligassitsitsipput.
Politiit inuinnaat biilii atorlugit nakkutilliissapput
Biilinik aqutsilluni oqarasuaammik angallattakkamik oqaluussigaanni, SMS-eraannilu 500 koruuninik akiligassitsittoqartarpoq.
Politiit erseqqissaatigaat angallannermik nakkutilliinermik allaffik inuinnarnut nakkutilliissasoq.
Taamaammat politiit eqqanniinnersut misissoqqissaartariaqanngilat, inatsisit malikkukkit.