Qooqqut Festival naavoq, nuannisaqaagut, peqataasut marluk oqarput

Sylvia Weging Luna Hansenilu ukioq manna Qooqqut Festival najuupput.

Aperigakkillu, taakku nuannisaqaat.

- Eqqumiitsuliortarpassuit pinngortitarlu nuanneqaat Sylvia Weging oqaluttuarpoq. 

Festivaalinut najuuttuartuuvoq, siornatigut Arctic Sounds, Nuuk Nordic Festival peqtaaffigisimavai, ukiormannalu Qooqqut Festivalimi susassaqartitsineq najuuffigeqqaarpaa, naatsorsuutigisimasaalu eqquupput.

Tuperpassuaqarpoq. Sylvia Weging Luna Hanse-ilu aamma tuperput. Assi © : Ulrikke Andersen

- peqatigiinneq nuannerpoq, eqqumiitsuliortut pikkoreqaat, misigisaq nuanneqaaq. 

Nuannaarneralu ikinngutaata aamma Luna Hansenip isumaqatigaa.

- tusareerpara pinngortitaa kusanaqisoq, oqartariaqarpunga tupinnaqaaq pinngortimami taama kusanartigisumiilluni nipilersortunik tusarnaarluni, taanna oqarpoq. 

Naanera tupaallannartoq

Qulisimanera siallerneralu nuannerpallaanngittutut kisiisa eqqaasinnaavaat. 

- Eqqumiitsuliortut assigiinngisitaarneri nuannaraakka, misigisanni nuannernerpaaq tassaavoq nipilersuusiortut arlallit katerillutik suliaqarsimallutik tusarnaartitsimmata, Sylvia Weging oqarpoq.

TIU appisimaarnerani uaajertoqarpoq. Assi © : Ulrikke Andersen

TIU-kkut appisimaarmata, naggasiissut tusarnaariat akornanni uaajeertoqarmat festivaali uummaarinnerpaasoq Luna Hansen oqaluttuarpoq.

- Tusarnaariat akornanni uaajeertut marluk nueriassaaramik. Nalunnginnakku pingasuusut marluinnaat takusinnaagakkit pingajuat ujakumisaarakku, saninni nueriasaarami, tupallunga. Illarluni Luna Hansen oqarpoq.