Qaanaaq anorersuarmik eqqugaaqqittoq
Qaanaami ippassaq ukiuunerani aappassaa avannamik anerersuarpoq anuraasuasarneralu sekundimut 50 meteri angusarsimallugu. Taamatullu anoraasuasarnera innuttaasunik eqquisartoq Uusaqqak Qujaukitsoq oqaluttuarpoq.
- Atortorissaarutit nutaat atulernerisa kingorna misigipiloortarparput. Soorlu illut kiassaataat solaritortut anorlernerata naqitsineranik qamittooqattaalersarmik ilaallu ikumasinnaajunnaaartarlutik. Anorlernissamik tunngasunik saqqummiussisoqaraanga siooranaqutaa tassaniittarpoq, Uusaqqak Qujaukitsoq KNR-imut oqaluttuarpoq.
AAMMA ATUARUK Kalaallit Røde Korsiat Qaanaami piniartunut 50.000 koruuninik tunniussisut
Taanna oqaluttuarpoq siorna anerersuarnerani kiassaatertik ikumasinnaajunnaarsimasoq illullu ilua ima qiianartigilersimasoq allaat ukiorsiutinik oqorsaasersortariaqarsimallutik.
Ajortoqarsimanngilaq
Uusaqqak anorersuarnerani illumini VHF-ni ikumatittarpaa, arlaannik ajortoqassagaluarpat piareersimaniassagami.
AAMMA ATUARUK Qaanaaq hårdt ramt af orkan
Anorersuarneranili anoraasuasarnera sakkortusimagaluaqisoq Uusaqqak ajortoqarsimaneranik ajoqusertoqarsimaneranilluunniit tusagaqarsimanngilaq.
- Qujanartumik ajoqusertumik tusaasaqanngilanga, Uusaqqak Qujaukitsoq oqarpoq.
Qaanaami decembarimi anorersuarnerata malitsigisaanik piniartut ilarpassui piniutaarserput, taakku pillugit allaaserisaq uani atuarneqarsinnaavoq.