Qaanaami mittarfimmut aqqusineq qarsutsisoqareernerata kingorna iluarsartuunneqassasoq

Qaanaap mittarfiullu akornanni aqquserngup ajoqusernera iluarsartuunneqalerpoq. Air Greenland timmisartunut mittarfiugallartussamik qulakkeeriniarpoq.
Assi © : Departement for Boliger og Infrastruktur
Allattoq Emil Weis
aggustip 04-at 2026 16:34
Share to Facebook Share to Twitter Copy link Print

Qaanaami siallerujussuarnerata qarsutsisoqarneratalu kingunerisaanik mittarfimmut aqqusineq ajoqusingaatsiarsimammat angallavigineqarsinnaajunnaarpoq.

Taamaammat ajoqusersimasut iluarsartuunnissaannut maanna piaartumik suliaqartoqarpoq.

Ineqarnermut, Attaveqaasersuutinut, Isorliunerusunut Upalungaarsimanermullu Naalakkersuisoqarfik tusagassiuutinut nalunaarummi allappoq:

- Naalakkersuisoqarfimmit ilisimatitsissutigineqarsinnaavoq, najukkami sanaartortuusoq suleqatigalugu ajoqusikkat piaartumik iluarsiniarlugit sulianik aallartitsisoqarmat.

Tamatuma saniatigut Qaanaap mittarfiullu akornanni qulimiguulimmik angallattoqarsinnaanissaa pissutigalugu Air Greenlandip timmisartunut mittarfiugallartussaq maanna qulakkeerniarpaa.

Mittarfimmut aqqut 2023-mi siallerujussuarnerani aamma ajoquserneqarpoq, tassanilu aqqutaagallartumik pilersitsisoqarpoq.

Naalakkersuisoqarfiup pisut malinnaaffigalugit ilisimatitsissutigaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Ilinniartitsisut kalaallit Narsap Atuarfiani atorfeqarnissaat piviusunngortoq

Sakkutuujusussaatitaasut siulliit nunatsinni sulilersut

Partiit siulittaasui danskit eqqartuussivimmiittut

Uummannami umiatsiaararsortut: -Nutaamik talittarfittaartariaqarpugut

Atuarfik Inussuk: Atuarfiup pisortaa ilungersunartorsiortoqarsimagaluartoq ernumassuteqanngilaq

Nuummi umiarsualivimmi uuliakoorneq