Politikerip Dansk Folkepartimeersup Naalakkersuisut avoqqaarai
- Tassunga atatillugu innuttaasut naammagittaalliorsinnaanerat aamma killilerneqassaaq. Inatsisissatut siunnerstuut suliat sukkanerusumik eqinnaannerusumillu suliarineqartarnissaannik tunngavilerneqarpoq, tamannalu allagaatinik takunnikkumasunik sullissinermik akornusersorneqartarsimavoq.
AAMMA ATUARUK Aatsitassat pillugit allagaatinik paasitinneqarsinnaatitaanermut apeqqut Ombudsmandip misissuiffigileraa
- Taassunga oqaannassaanga: innuttaasut oqartussaaqataanerat pisariuvoq. Paasinarluarpoq Inatsisartut Siumumit aqunneqartut naammagittaalliorfigineqarusunngitsut. Aalajangiinerimmi pereeraangata allangortikkuminaattarput. Oqaatigilluaannarlugu: sulianut angisuunut tunngasut arajutsisitsilluni suliarineqarusupput.
- Danmarkimilu nillianersuaqarpa tamanna pillugu? TV-kkut nutaarsiassatigoorpat? Danskit naalakkersuisuisa siunnersuut innuttaasut oqartussaaqataanerannik innarliisinnaasoq ulorianartorlu unitsinniarsaraat?
- Nej, nej naamerluinnaq, folketingemi ilaasortap Dansk Folkepartip nittartagaani sapaatip akunneranut allattakkamini allappoq.
Kalaallit Nunaannut kisimi tunnganngilaq
Politikerip uranisiornissamut pilersaarutit aatsitassarsiorfissanilu kinamiorparpassuit sulisorinissaat ilungersunartoqartippaa.
- Sulianut angisuunut tunngasut Danmarkimut arlaatigut sunniinnginnissaannik isumaqartoqassappat tupigissavara, Kalaallit Nunaannuinnarmi tunngannilaq!
AAMMA ATUARUK Suliniutit angisuut akuerivagut
- Puiorneqassanngilarmi Kalaallit Nunaat, namminersornerugaluartoq, Danmarkilu imminnut qanimmata. Kalaallit Nunaata Danmarkillu oqaluttuarisaanerat ataatsimoortoq takivoq, assigiimmillu atugaqarlutik, Søren Espersen allappoq.
Kinamiullu nungusaataanngitsumik atuineq avatangiisillu soqutiginngikkaat oqaatigalugu.