Politiit Ilulissaneersoq angut suli ujaarigaat
Naqqiut 29.11.: Angut ujaarineqartoq nassaarineqarpoq politiiniillu tigusarineqarluni. Taamaammat angummut tunngasut paasissutissat peerpagut.
Angut 34-nik ukiulik takoqqammerpiuk sumiinnersorluunniit nalunngiliuk?
Taamaappat Kalaallit Nunaanni Politiit tassa suliamut tassunga tunngatillugu ilisimasaqaruit attavigeqqupput.
Politiimmi angut pinerluuteqarsimasutut pasillugu oktobarip ulluisa 21-annili – tassa sapaatit akunneri malunngungajalersuni - ujaarivaat. Qanorli pinerluuteqarsimasorinasorineritsik, politiit oqaatigisinnaanngilaat.
Angulli tassa suli ujaarigitsik, Kalaallit Nunaanni Politiit pigaartuisa pisortaat tallimanngornermi ullaakkut ilisimatitsivoq. Taamaammat angutip nassaarinissaannut innuttaasunit aammaartumik ikioqqupput.
- Suli ujaarivarput, taamaammat sumiinneranik ilisimannittut uagutsinnut attaveqaqqunaqaat, Carl Sværd oqarpoq.
Toqqorsimatitsineq inerteqqutaasoq
Politiit ujaarisaannik toqqorsimatitsineq inerteqqutaasoq, Kalaallit Nunaanni Politiit KNR-imut aamma ilisimatitsipput.
Angut sumiinnersoq nalunngikkukku Ilulissani politiit 70 14 22-mut sianerfigalugit imaluunniit Kalaallit Nunaanni Politiit 70 14 48-mut sianerfigalugit attavigisinnaavatit.
