Perorsaanermik Ilinniarfik UArcticimut ilaalissaaq
Perorsaanermik Ilinniarfik, issittumi nunat assigiinngitsut akornanni suleqatigiinnermut University of Arcticimut ilannguttussanngorpoq.
Allattoq mlk, Simon Uldum
Tamannalu Canadami University of Northern British Columbiami qaammat kingulleq ataatsimiinnermi tamanna anguneqarpoq.
- Perorsaanermik Ilinniarfimmut maannakkut ilinniartitaanerup, ilisimatusarnerup ineriartortitsinerullu iluanni pissanganartumik suleqatigiinnermut ilannguttumut, ulloq angisuujuvoq, pisortaq Nuka Kleemann oqarpoq.
Avannaani University Collegemik pilersitsiniarnermi UArcticimik suleqateqarnerup iluaqutaanissaa aamma neriuutiginerarpaa.
UArctic ullumikkut 172-nik ilaasortaqarpoq, taakkulu ilinniartitaaneq ilisimatusarnerlu suleqatigiissutigaat.