Peqqarniitsumik ujajaasut tigusarineqarput
Angutit inuusuttut marluk 15-nik 19-nillu ukiullit Nuummi politiinit tigusarineqarput Nuummi Qapiarfiusaami peqqarniitsumik ippassaq ujajaasimasutut pasineqarlutik.
Allattoq Noah Mølgaard, Jette Andersen
Angut 68-nik ukiulik 2.400 koruuninik ippassaq tilliffigineqarpoq. Tamanna pivoq Qapiarfiusaami Kamik Centermarkedimi aningaasanik tigusereersoq. Ujajaaneq Blok 17-ip majuartarfiani pivoq.
Angutit inuusuttut marluk ippassaq unnukkut politiinit tigusarineqarput taamaasineranilu aningaasat ilaat atoreersimavaat. Politiit ilimagaat aningaasanik tigusisarfiup ungasinngisaani qamasimanissaat ujajaaffigineqarsinnaasutullu piukkussaminnik takusaqaramik pinerluttuliorsimallutik. Tamanna pivoq nalunaaqutaq 07.15-ip missaanni.
Suliaq pillugu paasiniaaneq politiit suli ingerlappaat.