Panamami oqartussat USA-p Panamami ikerasaliaq pillugu nalunaarutaa akerlileraat
Amerikamiut umiarsuaat Panamami ikerasaliakkoornerminni akiliisassanersut akiliisassannginnersullunniit pillugu paasissutissat assigiinngisitaarput.
Amerikamiut umiarsuaat Panamami ikerasaliakkoornermi akiliisassanngitsut USA-p nunanut allanut tunngasunut ministereqarfiata inoqatinut attaveqaqatigiittarfikkut X-ikkut unnuaq nalunaarutigaa.
USA tamanna pillugu ukiumut aningaasanik millionilikkuutaanik sipaaruteqartalissasoq ilaatigut aamma allaaserineqarpoq.
USA-lli nalunaarutaa Panamami oqartussanit sisamanngornermi ullaakkut akerlilerneqarpoq.
Umiarsuit ikerasaliakkoornermi akiliutissaat Panamami oqartussanit allanngortinneqanngitsoq, Panamami oqartussat nalunaarutigaat. Nutaarsiassaqartitsivik Reuters taama allaaserisaqarpoq.
USA-p præsidenteriligaa Donald Trump præsidentitut ivertinneqarnermini ilaatigut oqaatigaa USA-p Panamami ikerasaliaq aquleqqikkumaaraa.
Panama Panamamilu ikerasaliaq USA-mi politikkikkut taamanikkulli oqallisaalerput.
