Nuummi umiarsualivimmi uuliakoorneq

Qatserisartut biilii politiillu biilii ataasinngornermi umiarsualivimmiipput. 

Kalaallit Nunaanni Politiit umiarsualivimmi uuliakoortoqarnera pillugu KNR-imut oqaluttuarput. 

- Uuliakoortoqarsimanera uppernarsarneqarpoq, Kalaallit Nunaanni Politiit sillimasuisa pisortaat Aputsiaq Hansen oqarpoq. 

Politiit qatserisartullu tininnerani ulinneranilu majuartarfiup amutsiviullu akornanni immami qanoq uuliakoortoqartigisimaneranik suli misissuipput sunalu pissutaasimanersoq paasiniarlugu. 

- Politiit qatserisartullu qanoq uuliakoortoqarsimatigineranik ilaatigut dronit atorlugit suli misissuipput, Aputsiaq Hansen oqarpoq.  

Taassuma qatserisartut uuliakoorneq siaruaatinnginniassammat assersoraat oqaatigaa. 

Innuttaasunulli suli taassuma nalaani angallattoqannginnissaanik peqqussuteqartoqanngilaq. 

- Qatserisartut politiillu umiarsualivimmi sulinerat ajoqusersorneqassanngilaq, sillimasut pisortaat oqarpoq umiatsiartunullu peqqusilluni: 

- Tamaani angalatilluni allakkooqquneqarnissaq eqqumaffigineqassaaq.