Politiit ullormut nalunaarutaat: Nuummi tillinniarnerit marluk imminnut attuumassuteqarsinnaanerat politiinit misissorneqartoq
Kalaallit Nunaanni Politiit ullaarnganit ulapputtut, sillimasut pisortaat Malik Olesen, illoqarfiit pingaarnersaanni tillinniarnerit marluk pillugit suliaqartoq oqarpoq.
- Illoqarfimmi maani pisiniarfimmi ullaassaq tallimat missaanni tillinniartoqarsimanera nalunaarutigineqarpoq, nalunaaquttallu akunnera ataaseq qaangiuttoq tillinniartoqarsimaneranik biilillu tillinneqarsimaneranik nalunaarfigineqarpugut, sillimasut pisortaat oqarpoq.
Inuit pingasut biilinik ingerlaarput Nuussuarmilu ajutooramik biilinit qimaallutik, sillimasut pisortaat oqaluttuarpoq.
- Aallarusseqataasulli marluk ullaaq manna tigusaraagut, Malik Olesen oqarpoq.
Tigusarineqartut marluk kinaassusersineqartut ukiukitsuusut, sillimasut pisortaat oqaluttuarpoq, misissuinerulli inernera pillugu suli oqaaseqarsinnaannginnerarluni.
Naak politiit inuit marluk tigusarereeraluaraat sillimasut pisortaata innuttaasut ullaassakkut takusaqarsimasut tusarfigerusuppai.
Tillinniarnerit marluk imminnut attuumassuteqarnersut politiinit maannakkut paasiniarneqartoq, sillimasut pisortaat oqarpoq.
