Politiit ullormut nalunaarutaat: Nuummi Tasiilamilu tillinniartoqartoq – aallaasersortorlu sassartinneqartoq
Nuummi Tasiilamilu sisamanngornerup unnuaani tillinniartoqarpoq.
Nuummi pinerluuteqartut qanoq amerlatigineri ilisimaneqanngitsut qiviunik, nuersakkanik pisiniarfimmut Qiviumut tillinniarput.
Tillinniallu nioqqutissat arlallit tillissimavaat. Kalaallit Nunaanni Politiit pigaartuisa pisortaat, Heini Jacobsen oqarpoq.
Nuummi Qiviunit nioqqutissarpaaluit unnuaq pingasut qaangilaaraa tillinneqarput. Suliaq taanna misissuiffigileruttorparput.
Aamma Tasiilami ilinniartut ineqarfiannut unnuaq sisamanut tillinniartoqarpoq. Politiilli tassani tillittoqarsimasorinngilaat.
Aallaasersortoq nassartinneqartoq
Nuummi pingasunngornerup unnuaani aallaasersortoqartoq Kalaallit Nunaanni Politiit ippassaq nalunaarutigaat.
Pisumi tassani angut 44-nik ukiulik angummut 49-nik ukiulimmut aallaasersorpoq.
Pinerluuteqartoq toqutseriarsimasutut pasineqarpoq, taannalu ippassaq sassartinneqarami sapaatini akunnerni sisamani tigummigallarneqartussanngortinneqarpoq.
