Nuummi innuttaasut 2016-imi amerleriartut
Nunaqarfinnit illoqarfinnut nuuttarneq piviusuuvoq. Nuummi innuttaasut 2016-imi amerlisimasut Naatsorsueqqissaartarfiup kisitsisaataasa tamanna takutippaat. Aamma Qaasuitsup Kommuniani innuttaasut siorna amerlisimapput.
Allattoq Anton Gundersen Lihn
februaarip 13-at 2017 06:47
Nutserisoq Ivik Kristiansen
Nuummi innutaasut 284-inik amerlisimapput, Nunatsinnilu innuttaasut pingajorarterutingajaat illoqarfiit pingaarnersaanni maanna najugaqarput, tassalu Nuummi innuttaasut maanna 17.600-juullutik.
Kommuneqarfik Sermersuumi innuttaasut amerliartuinnavipput. Nuummut nuuttut amerlanerat tamatumunnga pissutaavoq, nunaqarfinnimi innuttaasut ikiliartorput.
Nunatsinnilu nunaqarfiit innuttaasui ataatsimut isigalugit ikiliartorput. innuttaasummi 1977-inik ikileriarsimapput.
Qaasuitsup Kommunianili innuttaasut tassa amerlisimapput, kommunillu nunaqarfiini illoqarfiinilu innuttaasut amerlisimallutik.