Nuummi atuarfik alla oqoqartutut aamma pasineqartoq

Illoqarfiit pingaarnersaanni meeqqat atuarfiat, Atuarfik Samuel Kleinsmidt (ASK) oqoqarnera paasineqarmat matuneqarpoq.

Allattoq Nicole Sander Bertelsen

oktobarip 09-at 2025 15:03

Nutserisoq Connie Fontain

KNR-ip ilanngutassiaq atuarfiup matuneranik ilaqartoq siusinnerusukkut saqqummiuppaa. Kommuniilli saaffiginnissuteqartoqarneranik KNR-ip ilanngutassiaq naqqissorpaa, atuarfimmi matuneqassanersoq pillugu akissut oktobarip 15-ianni aatsaat psaqqummiunneqassammat. Maannakkullu ilanngutassiami allassimasutulli oqoqarnera taamaallaat pasitsaatigineqarpoq.

Nuummi atuarfik alla oqoqartutut aamma pasitsaanneqarpoq. Tamatuuma meeqqat atuarfiat, Atuarfik Samuel Kleinsmidt (ASK).

Atuarfimmi oqoqarnersoq maanna misissuiffigineqalernera pissutigalugu atuarfimmi atuartut pigisaminnik tallimanngornermi poortueqquneqarput.

Atuarfik matussanersoq suli qulakkeerneqanngilaq, misissuinermiimmi akissutit oktobarip 15-ianni aatsaat piariissapput, kisianni atuarfik matussaguni atuarfiit ASK aamma USK oqoqarnera pissutigalugu matoqqassapput. Sapaatip akunnerata tulliani ukiaanerani atuanngiffeqartussaanerat pissutigalugu atuartut pigisaminnik tallimanngornermi poortueqquneqarput.

USK-imilu atuartut illoqarfimmi sumiiffinni assigiinngitsuni atuartinneqartarput.

Aamma atuarukAtuarfiup oqoqarnera pissutigalugu matugallarneqartoq

Illoqarfiup qeqqani atuarfiup nutaap atorneqalernissaraluanit ukiup aappaata affaa qaangiuttoq suli atorneqalinngitsoq USK matuneqarpoq, ASK-ilu oqoqartutut pasineqarluni.

Kommunip nunanit allanit modulinik sanaartugassanik periarfissat misissorai Avaaraq Olsenip KNR-imit septembarip naanerani apersorneqarnermini oqaatigaa.

Taassumali periarfissaq tamanna tamatuma kingorna oqaaseqarfigeqqinnianngilaa.

Aamma atuarukBorgmesteri atuarfiup uiverutigineqarnera pillugu: - Modulinik sanaartugassat misissorpagut

KNR-ip Kommuneqarfik Sermersooq sisamanngornermi ualikkut attaveqarfigaa, apeqqutillu arlalinnik apeqqutillu arlallit akissuteqarfiginissaat utaqqivarput.

KNR-ip Avaaraq Olsenimut apeqqutai

Qanoq oqoqartigiva?
Meeqqat sumi atuartinneqassappat?
Meeqqat atuarfimmi nutaami atuartinneqannginnissaat uppernarsarsinnaaviuk?
Oqoqarnera sooq aatsaat paasineqarpa? Ukiunimi kingullermi oqoqalersimassaaq?
Kommune ukiup ingerlanerani qanoq nakkutiginnippa?
Sooruna meeqqat ersiuteqalerneranni aatsaat paasineqartoq?
Kommunip ilaqutariit oqunnera pissutigalugu napparsimalersimasunik meerartallit aningaasartuutaat akisussaaffiginiarpai?
ASK-ip matuneqarnera Inussuullu ammarneqannginnera pissutigalugu atuartut kinguaattooratarsinnaaneranut aaqqiissuteqarnissaq qanoq qulakkeersinnaavisiuk?
Atuartut atuariartornissaminnut angajoqqaat atuartullu qanoq paasissutissiiffigineqarpat?
Kommunip atuarfiit marluk oqoqarnera pissutigalugu maanna matuneqaranni pissutsit qanoq qajannaatsuunissaat qulakkeerniarpaa?
Maanna USK-imi atuartut ulloq tamakkerlugu atuartinneqarsinnaanissaannut atuartitsivissat naammanngereersut, maanna ASK-ip matuneqarnerani qanoq iliussavisi?
Taakku Avaaqqap borgmesteriunera pipput. Avaaraq illit borgmesteriusussatut suli naleqquppit?

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.