Nuummi aqqusinermi angallannermi ajutoorneq – angut imigassartorsimatilluni ingerlatsimasutut pasineqartoq
Biili qullersuarmut aporpoq, assakaallunilu aqqusinermut peqqilluni.
Angut qanoq ajoqusersimatiginersoq pigaartut pisortaata oqaatigisinnaanngilaa.
Allattoq Christine Hyldal
maajip 03-at 2025 10:48
Nutserisoq Connie Fontain
Angut 38-nik ukiulik kisimiilluni unnuaq ajutoornermi kingunerisaanik Dronning Ingridip Napparsimmavissuani uninngavoq.
Angut imigassartorsimatilluni biilersimasutut pasineqartoq, Kalaallit Nunaanni Politiit pigaartuisa pisortaat Aqqaluk Petersen paasissutissiivoq.
Angut Borgmester Anniitap Aqqusernani Stanislawip eqqaani biilimik nalunaaqutaq 04.05 ajutoorpoq. Biili qullersuarmut aporpoq, assakaallunilu aqqusinermut peqqilluni.
Ajutoornermik takunnittup ajutoorneq politiinut nalunaarutigaa, biililu lastbiili atorlugu illuartinneqarluni.
Angut 38-nik ukiulik qanoq ajoqusersimatiginersoq pigaartut pisortaata oqaatigisinnaanngilaa.
