Nunatsinni qaannamik unammersuartoqarnerani ullut sisamassaat

Nunatsinni qaannamik unammersuarnermi illoqarfiit Ilulissat, Sisimiut, Paamiut Qaqortorlu peqataatitaqarput.

KNR-imi suleqaterput Sika Brandt Wille assiliissuserluni unammersuarnerit alakkarterpai. Taanna oqaluttuarpoq meeraaqqanit utoqqarnut isiginnaariartut takornariallu alutorsaateqisut.

- Angajoqqaat qutsasillattaasarput, qiimmassaaneq tusarsaalluni. Unammisut pimoorussipput isiginnaarlugit pissarsiaqarnarpoq, Sika Brandt Wille oqarpoq:

- Silageqaaq maani silarlunneq ajorami haha!,  Sissaq nillataarpoq iluliaalussuit taamaatsitsigamik,  inoqaannaavipporli, Sika naggasiivoq.

Unamminerit ullumikkut ingerlanneqartussat tassaapput:

Nal. 09.30 Iligiikkuutaarluni kinngusaqattaarnerit, arnat angutillu 15-init qummut ukiullit.

Nal. 10.00 Allunaariaqattaarnerit, inuusuttut 15-17, 18-19-inik ukiullit, Arnat, 35-49, 50-59, 60-init qummut ukiullit.

Nal. 14.00 Allunaariaqattaarnerit, arnat, 20-34-inik ukiullit.

Nal. 16.00 Allunaariaqattaarnerit, inuusuttut 15-17, 18-19-inik ukiullit, Angutit, 35-49, 50-59, 60-init qummut ukiullit.

Nal. 18.00 Allunaariaqattaarnerit, angutit 20-34-inik ukiullit

Nal. 21.00 Akissarsisitsinerit.