Naggueqatigiit Inuit arnartaat tammaaneqartut suli aalassassimaarutaapput
Canadami indianerit Inuillu arnartaasa toqunneqanngikkaangamik tammaannartarnerat ukiuni arlertuni ajornartorsiutaasimavoq. Nunap inoqqaavisa arnartarimmatigit politiit pinaarpallaartarsimasutut unnerluunneqarput.
marsip 08-at 2013 09:07
Arnat qasserpiaat pineqarnersut nalunarpoq, ukiulli kingulliit qulit ingerlaneranni indianerit Inuillu arnartaat 3.000-it 6.000-illu akornanniittut toqunneqanngikkaangamik tammaannartarsimapput.
Canadami naalakkersuisut saaffigineqaqattaareerlutik kiisalu arnat toqutaasimasut tammarsimasullu pillugit paasiniaasussamik ataatsimiititaliortitsivoq.
Shawn Atleolli, Canadami indianerit nuimanersaata tamanna naammaginngilaa. Taanna ajornartorsiut pillugu naalakkersuisunut arlaleriaqaluni saaffiginnittarnikuuvoq, ataatsimiititaliuinnaranilu nuna tamakkerlugu misissuititserusuppoq.
