Naak unammillernartoqaraluartoq timmisartumut ilaasartoqarnerulersoq

Naak sulisussat amerlanerusut pisariaqartinneqaraluartut timmisartullu uteqqiinnartut arlaqaraluartut angalasut siornatigumit amerlanerupput. Naatsorsuinerup nutaap pingaartumik Ilulissani angallattoqarnerusoq takutippaa.

Allattoq Markus Valentin

aggustip 04-at 2025 15:28

Nuummi mittarfiup nutaap siorna novembarip naanerani ammarneraniilli unammillernartut arlaqarput, soorlu sulisussanik amigaateqarneq.

Tamatuma saniatigut taamaatitsinerit timmisartullu uteqqiinnartut arlaqarput. Tamanna mittarfiup inissisimaffiani pissutsit Kangerlussuarmut sanilliullugu patajaannginnerusut ilaatigut pissutaavoq.

Naalli unammillernartoqaraluartoq timmisartumut ilaasut amerlanerusut nunatsinnut nunattalu iluani amerlanerupput.

Tamanna timmisartumut januaarimit juuni ilanngullugu angalasut pillugit Naatsorsueqqissaartarfimmit kisitsisit nutaat takutippaat.

Ilulissani ineriartortoqangaatsiartoq

Mittarfinni assigiinngitsuni angallannermi kisitsisit qiviaraanni ineriartortoqarpoq.

Tamatuma saniatigut Kangerlussuarmit angalasut amerlanerpaartaasa Nuummut aqqusaartalernerisa saniatigut Ilulissani angallannermi ineriartortoqangaatsiarpoq.

Ilaasut siorna qaammatinut kingullernut arfinilinnut sanilliukkaanni ilaasut 654-iusimasut ukioq manna 1.113-nngorlutik 71 procentimik amerlipput.

Nunatsinni timmisartukkut angalasut ataatsimut isigaanni 12 procentimik amerlipput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.