KNR-ip Qupannavaatai aallartiinnaleqaat

Mads Lumholt, Julie All Starsikkunnit erinarsoqatigiinnillu Aavaakkunnit ilisimaneqarluartoq, KNR-ip erinarsoqatigiivinik sungiusaasuussaaq.

Allattoq Najaaraq Egede

septembarip 27-at 2010 12:52

KNR illorsuamini misilitsikkiartornissamut arfininngornermi oktobarip aappaani nal. 14.00 aggersaavoq. Erinarsoqatigiit marluussapput, tassaassallutik arnat inuusuttuaqqat erinarsoqatigiivi aamma meeqqat erinarsoqatigiivi.

Arnat inuusuttuaqqat erinarsoqatigiivinut ilanngukkusuttut 14-it 20-llu akornanni ukiullit aamma meeqqat erinarsoqatigiivinut ilanngukkusuttut nukappiaqqat niviarsiaqqallu arfinillit 13-illu akornanni ukiullit misilitsikkiartornissamut kajumissaarneqarput.

DR Pigekorimi aqutsisoq Michael Bojesen misilittakkatik pillugu ima oqaluttuarpoq:

- Erinarsorneq aqqutigalugu meeqqat ilikkagaqarsinnaanerat pissusissanillu malinnissinnaanerat sakkortusisinneqassaaq. Kalaallit Nunaanni nipilersornikkut kingornussarsianik kinaassutsimillu ilikkagaqartussanngussapput, nipilersukkanillu nipilersugassiarsuarnut tunngasunik ilisimasaqalissallutik, Michael Bojesen oqarpoq.

KNR-ip Qupannavaataasa sungiusarnissaat - angajulliit marlunngornikkut sisamanngornikkullu ualikkut nal. 16.30 aamma 18.00 akornanni pisassapput.

Meeqqat pingasunngornikkut nal. 16.30 aamma 18.00 akornanni sungiusartassapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.