Kalaallit Nunaanni Politiit: Nuummi Paamiunilu assakaasut quannaveeqqutillit aqagu tallimanngornermi maajip ulluisa qulinganni atorunnaassapput
Nuummi Paamiunilu assakaasut quannaveeqqutillit aqagu tallimanngornermi maajip ulluisa qulinganni atorunnaassapput.
Immikkut akuersissuteqarneq sivitsorneqassanngimmat Nuummi Paamiunilu illoqarfimmiut biilimi assakaasut quannaveeqqutillit kingusinnerpaamik maajip qulingani taarsersimassavaat.
Kalaallit Nunaanni Politiit Facebookimi quppernerminni taama allaaserisaqarput.
Kommune Qeqertalimmi Maniitsumilu immikkut akuersissuteqarneq sivitsorneqassanngimmat sumiiffinni taakkunani biilit assakaasui naliginnaasunut kingusinerpaamik maajip ulluisa 14-ianni taarserneqassapput.
Avannaata Kommuniani immikkut akuersissut maajip ulluisa 28-at ilanngullugu atuukkallassaaq.
Biilit eqqortumik atortulersorneqarsimanngitsut akiligassiinermik kinguneqartinneqarsinnaapput. Tassa assakaasut quannaveeqqutillit piffissami immikkut akuersissutigineqartuni taaneqartuni avaatigut ingerlaartut akiligassinneqarsinnaapput.
