Kalaallit inuusuttut igasut marluk slowfood-festivalimi Frankrigemi peqataalersut

Slowfood-festivalimut peqataasussap aappaata soqutingisarivaa illoqarfinni ataasiakkaani nerisassiornerup iluani namminersortuaqqat qanoq siuarsarneqarsinnaaneri qanorlu pisiniarfinni qallunaamerngit kalaaliminernit taarseriartuaarneqarsinnaaneri. 24-nik ukiulik Inunnguaq Hegelund oqaluttuarpoq:

-  Neriuppunga nerisassiornerup iluani namminersortuaqqanut ikiuutaasinnaassallunga, misilittangaat atorlungit kalaallit nerisassaataat siuarsarsinnaassallungit.

Slowfood-festivalimi aaqqissuisarput peqataasarlutillu nerisassiornerup iluani namminersortuaqqat.

Inunnguaq Hegelund Ilulissani ingasutut namminersortuuvoq, takorluungaatalu ilangivaat nerisassanik ineriikkanik sanalluakkanik akisunngitsunik sanaartulernissani. Nerisassat sanalluakkat akisunngitsut ukiuni makkunani inunnut ulapaartunit assut piumaneqaramik. Oqaluttuarporlu nerisassat ineriikkat sunik sanaajussanersut:  

- Ingasut nerisassaliortullu suleqatingalugit nutaalioqatingerusuppakka, ullutsinni
piariikkat puulukinik nersussuullu neqaanik sanaat inuit uunnaannarissat nerisarisarpaat, soormi kalaaliminernit taamaaliorsinnaanngilangut. Sukataassuungut kalaalimerngit pitsaasumik sanaat akikinnerusumik nerisassiarilersinnaanissaannit.

Angalaqatissani peqatingalungu ingasunngorlaaq Katuap igaffiani ittoq 24-nik ukiulik Aage Lennert Olsen, naatsorsuutingivaa slowfood-festival isumassarsiani aappaangu Narsami siullerpaamik Food Festivalimi ingerlateqqissinnaassallungit illoqarfinnilu allani:

 - Narsamiinnaanngitsoq takutitserisuppungut aamma illoqarfinni allani. Nalunngisaqareeqaangut kisianni periutsinik nutaanik ilikkangaqassuungut, neriuppunga illoqarfinni assigiinngitsuni takutitsisinnaassalluta, Inunnguaq Hegelund oqarpoq.

Nerisassanik piariikkanik pisisarneq soorlu MacDonaldsimi illuatungilerniarlungu 80-kkut naaneranni slowfood-festivaleqalertarneq pilersinneqarsimavoq. Slowfood-festivalimi peqataassapput europami tamalaaneersut nerisassiornerup iluani sanaartortuaqqat. Inunnguaq Hegelundip Aage Lennert Olsenillu peqataaffissaat slowfood-festival taajuuteqarpoq Euro Gusto.
Festivalilu pillungu paasisaqarsinnaavutit www.eurogusto.org