Jeppe Bruus Nuummukalersoq
Danmarkimi illersornissamut ministerinngorlaaq, Jeppe Bruus (Socialdemokratit) Nuummut ataasinngornermi tikeraassaaq.
Illersornissamut ministereqarfiup KNR-imut tamanna uppernarsarpaa.
Ministerip Issittumi Sakkutooqarfik pulaassavaa aamma Sakkutuunik Nuummut tapersiissutit maanna Nuummiittut ilaatigut ilassiartussavai.
Ministerip nunanut allanut naalakkersuisoq, Múte B. Egede (IA) ulloq naallugu ilagissavaa, politikerillu taakku marluullutik tusagassiortunik katersortitsiumaartut, Illersornissamut ministereqarfik paasissutissiivoq.
Mette Frederiksenip (S) naalakkersuisoqatigiit Socialdemokratit, Moderatit, Radikale Venstre aamma SF juunip pingajuanni saqqummiummagit danskit illersornissamut ministeriat toqqarneqarpoq. Ministeri illersornissamut ministeritut nunatsinnut aatsaat siullermeerluni tikeraassaaq.
Múte B. Egede Vivian Motzfeldtip atuuffimmiikkunnaareernerani nunanut allanut naalakkersuisunngoqqikkamili avataaneersumik aatsaat siullermeertumik aamma tikeraartoqalerpoq.
