J.D. Vancep Demokraatit uumissuisut partiiattut ataatsimiinnermi taagorai

USA-mi præsidentip tulliata, J.D. Vancep, Demokraatit tallimanngornerup unnuaani “uumissuisut partiiattut” Repubikanerit partiitut Texasimi illoqarfimmi Dallassimi ataatsimiinnerata nalaani oqalugiarnermini taagorpai. 

Nutaarsiassaqartitsivik AFP taama allaaserinnippoq. 

Isiginnaariat præsidentip tullia 42-nik ukiulik American Airlines Centerimi oqalugiartarfimmut qaqimmat "J.D., J.D.!"-mik suaartarput.

- Demokraatit qineqqusaartussat meeqqassi qanoq oqaqqusaanerannik, qanoq inuunissaannik kikkunnillu uumigisaqarnissaannik oqaluttuussiniartut ukiamut sassartissavaat, taanna oqarpoq.

- Demokraatit uumisuttut parteerivaat. Partiiuvoq USA-mik nunamillu ineriartortitsisunik maajuginnittoq. Partiiuvoq septembarip aqqarngani (USA-mut septembarip aqqarngani 2001-imi saassussineq, aaqq.) peqqarniisaarnianut misiginneqataasinnaasoq.

Amerikamiut qinersinerup qiterpaarnerani novembarip pingajuanni qinersissapput.  

Senatimut tunngatillugu naligiittut

Demokraatit misissueqqissaartarfiup Decision Desk HQ-p naatorsuinera naapertorlugu, inatsisartut aappaanni amerlanerussuteqalertussaarpasipput partiilli takkua marluk Senatimi amerlaqatigiilertussanngorpasillutik. 

Nutaarsiassaqartitsivik Reutersip nutaarsiassiinera naapertorlugu, isiginnaartut ilai, J.D. Vancep minutsini 40-ni oqalugiarnerata nalaani, taassuma USA-p præsidentiisa 48-ssaattut inissisimalersinaanera perpasillugu. "48, 48"-mik suaartaqattaarput.

Vancelli Republikanerit qinersinerup qiterpaarneranik aallusseqqaarnissaat oqaatigaa.

Præsidentip tullia præsidentimik 2028-mi qinersisoqalerpat Republikanerit præsidentissatut qinigassanngortitassaattut piukkunneqarpoq.

Namminerli qinersinerup qiterpaarnera qaangiutsinnagu qineqqusaarniarnerluni aalajangernaviarnani oqarpoq. 

Præsidentip tullia oqalugiareermat præsident Donald Trump Dallasimi oqalugiartarfimmut qaqivoq. 

- Præsidentip tullia ajunngilluinnartoq qutsavigerusuppara. Unnummut suliaa ajunngilluinnarpoq, præsidenti oqarpoq. 

Trump tullersortimisulli Demokraatit saassuppai qinersinerullu qiterpaarnerani imminut qitiulersilluni.

- Qinigassat akornaniinngilanga. Qinigassat akornaniitittuusaaginnassavarsinga, præsidenti oqarpoq.

Trump partiip Dallasimi ataatsimiinnerani sisamanngornerup unnuaani oqarpoq, Republikanerit qinersinerup qiterpaarnerani ajugaassappata Amerikamiut inersimasut tamarmik 5.000 dollarinik - 32.000 koruunik missaannik - tunissallugit.

RITZAU/AFP