Isarukitsut nunarsuarmi inaanni anginerpaaq 90 procentimik millivoq

Ilisimatuut atuagassiamik Antarctic Sciencemi allaatigisami ataasinngornermi saqqummersinneqartumi taama paasissutissiipput.

Isarukitsut ineqarfigisaat avinngarusimasumi, franskit qeqertaanni Ile aux Cochonsimiippoq, taannalu Afrikap Sikuiuitsullu Kujalliup qeqqatungaaniippoq. Ilisimatuut kingullermik qeqertamiimmata isarukitsut 2 millionit missaanniipput. 

Maannali ukiut 30-t kingorna 200.000-iinnanngorsimapput.

Qaammataasakkut assilisat qulimiguulimmiillu assilisat tunngavigalugit ilisimatuut taama naliliisut, Antarctic Science-imi allaatigisami allassimavoq.

Ikilerujussuarnerat ilisimatuut nassuiaatissaqartinngilaat. 

- Ilimananngilluinnaraluarpoq, pingaartumik ineqarfigisaanni tassani isarukitsut amerlassusaat nunarsuarmi isarukitsut amerlassusaasa pingajorarterutigingajammagu, allaatigisami allaatiginnittoq, Heri Wimerskirch oqarpoq.

Taanna Frankrigimi Chizemi uumassusillit pillugit ilisimatusarfimmi avatangiisit pillugit ilisimatuujuvoq isarukitsullu inaata 1982-imi orninneqarnerani ilaanikuulluni.

Silap pissusiata allanngoriartornera ilutigalugu qeqertat Iles Crozet aamma Ile aux Cochons isarukitsunit maanna ukiut hunnorujukkaat qiteqqunnerani najugariuunnaassagaat, Weimerskirchip suleqataatalu siusinnerusumi allaatiginikuuaat.

                             /ritzau/AFP