Inummik sulitilluni ajunaartoqartoq
Inuk Ilulissani sulitilluni ajutoortoq ajunaarpoq. Greenland Airports tusagassiuutinut nalunaarummi pingasunngornermi ualikkut allappoq.
Inuup napparummiinnerani napparut pingasunngornermi ualikkut uppippoq.
- Pisoq alianartorujussuuvoq aammalu toqusup ilaqutaannut qanigisaannullu misiginneqataagaarnera oqaatigerusuppara, Greenland Airportsimi suliniummut pisortaq Christian Andersen oqarpoq.
- Pisup ingerlasimaneranik sukumiisumik misissuinissaq maannakkut aallartissavarput, taamaalilluni suut ajutoorfiusimanersut eqqortumik paasinarsisinneqassalluni, taanna nangilluni oqarpoq.
Inunnut sumiiffimmi najuuttunut tarnip pissusianik ilisimasalimmit ikiuigasuaqartoqarnissaa sulissutigineqarpoq.
Greenland Airports suliamut atatillugu nutaarsiassaqalerpat nalunaaruteqarniarpoq. KNR-ip suliaq malinnaaffigaa.
Kalaallit Nunaanni Politiit KNR-imut oqaatigaat, sulitilluni ajutoortoqarsimanera ilisimallugu suliarlu misissuiffiginiarlugu Kalaallit Nunaanni Sullivinnik Nakkutilliisoqarfik suleqatigalugu.
