Illersornissaqarfiup Kalaallit Nunaanni suliai aggustimi amerlanerulersimasut

Aggusti Illersornissaqarfimmut pisarnermiit ulapaarfiuneruvoq.

Illersornissaqarfik tusagassiuutitigut nalunaarummi taama allappoq.

Issittup Atlantikullu avannarliup avataaniit ukkatarineqarnerulernerat aggustip ulapaarfiuneraniit ersersinneqarpoq, Illersornissaqarfik nalunaarpoq.

DR-ip pingasunngormat saqqummmiussaanut atatillugu Kalaallit Nunaat kingullermik ukkatarineqarpoq, amerikamiut angutit pingasut Kalaallit Nunaanni sunniiniarsaralutik akuliunniarsarisimasinnaanerat allaaserineqarluni.

Tamanna pillugu danskit nunanut allanut ministereqarfiata USA-p Danmarkimi chargé d'affaires-iat - amerikamiut aallartitaqarfianni atorfilittaq qaffasissumik inissisimasoq, pingasungornermi oqaloqatigiinnissamut aggersarpaat. 

Aggusti NATO-p iligiivinik sungiusaqateqaqattaarfiusimasoq, Illersornissaqarfik allappoq. 

Tassunga ilaallutik, tyskit sakkutooqarfianiit Nuummi pulaartoqarneq franskillu umiarsuaaniit Fulmarimiit, franskit sakkutooqarfianeersumiit pulaartoqarneq.

Peqatigiilluni patajaallisaaneq 

 Illersuinissaqarfik naapertorlugu, nunanit NATO-mi ilaasortaasuniit pulaartoqarneq, "issittumi patajaallisaanerup qulakkeerniarneqarnerani NATO-mi ilaasortaatitaasut suleqatigiinnerat eqqummaffigineqalerneranut", peqqutaaqataavoq.

Iligiit canadamiut Operation Nanook Tuugaalik 2025 ilaatigut peqataaffigisimavaat, Amerika avannarliup suliniutinut isertortunut siooranartunut illersorniarnerani iligiit piginnaasaannik sungiusaataasoq.

Sungiusaanerit franskit præsidentiat Kalallit Nunaannut junimi tikeraareersorlu pisut, Illersornissaqarfik allappoq. 

Atlantikoq avannarliup imartaani isumannaallisaanissaq pillugu suleqatigiiffik, Tyskland, Canada aamma Norge peqatigalugit Danmarkimiit ilannguffigineqarpoq.  

Amerikamiut præsidentiata Donald Trump, Kalaallit Nunaat aqukkusullugu kissaateqareersorlu, Kalaallit Nunaat nunanit tamalaaniit pilertortumik ukkatarineqalerpoq.

Danmarki Kalaallit Nunaat paariniarnerani iliuusaat naammaginanngitsut kiisalu russit kiniiserillu umiarsuai issittumi ajornanngitsumik angalasinnaanerat , Trumpip aamma oqaatigai.

USA-p præsidentiata tullersortaata, J.D. Vancep, amerikamiut sakkutooqarfiat Pituffik Kalaallit Nunaanniiitoq, ukiup aallartinnerani pulaallatsiarpaa.

USA-p Kalaallit Nunaannik aqutsilersinnaanissaat, Kalaallit Nunaanniit Danmarkimiillu pisinnaanngilluinnartutut oqaatigineqarpoq. 

/ritzau/