Ilisimasartoqatigiit arlaannaannulluunniit attuumassuteqanngitsut spiralilersuisimanermut qulajaanissaat ukiup affaanik kinguaattooreerlutik maajip qaammataani sulinertik aallartippat. Ilisimasartoqatigiit qulaajaanissartik pillugu Nuummi innuttaasunik ataatsimiisitsipput Ilisimatusarnermi sisamanngornermi unnukkut.

Taamaalilluni ataatsimoortunut toqqaannartumik sunniutaa tassaavoq kalaallit innuttaasut spiralilersuisoqarsimanngikkaluarneranniit ikinnerunerat. Taamaammat iliuuserisap ataatsimoorussanittaaq pisinnaatitaaffinnik innarliinerunera qulaajaalernermi ilanngullugu tamakkiisumik ukkanneqartariaqarpoq. 

Spiralilertissimasut oqaluttuaat allaganngorlugit  ilisimasartoqatigiinnit katersorneqassapput oqaluttuarisaanermi takussutissatut misissorneqassallutik .

ICC naapertorlugu tamanna naammanngilaq

Inuit pisinnaatitaaffiini suut unioqqutinneqarsimanersut qulaajaanermi ukkatarineqartariaqarput. Pineqartumi inunnut ataasikkaannut aamma kalaallinut inuiannut tunngassuteqarput.

ICC-mi siulittaasoq Sara Olsvig taama oqarpoq.

- Qanoq annertutigisumik aaqqissuulluagaatigisumillu suliarineqarsimanersoq, sunalu ataatsimut isigalugu siunertarineqarsimanersoq paaserusunnarpoq, Sara Olsvig oqarpoq.

Nakorsaaneqarfimmit tusagassiorfinnilu tusakkagut naapertorlugit suliarineqartoq annertoorujussuuvoq inuiaqatigiillu eqqorneqarput.

Inuit ataasiakkaat inuiaqatigiillu pisinnaatitaaffiisa ukkatarineqarnissaat amigaatigaarput, Sara Olsvig oqarpoq.

 Spiralilersuisimanermi ataasiakkaanut ataatsimoortutullu inuttut pisinnaatitaaffii ukkarineqarnissaannut ujartuipput.

Inuit Pisinnaatitaaffii pillugit Siunnersuisoqatigiit aamma Meeqat Illersuisuat Aviaaja Egede Lynge ICC peqatigalugu isornartorsiuteqarlutik  ataatsimoortumik oqallisissiamik ilanngussipput.

Spiralilersuisimanermi ataasiakkaanut ataatsimoortutullu inuttut pisinnaatitaaffii ukkarineqarnissaannut ujartuillutik

-  Qulaajaanermi maannamut paasisat naapertorlugit meeqqanik inunngortartunik ikilisaaniarneq naalagaaffimmit siunertaasimavoq.

Taamaalilluni ataatsimoortunut toqqaannartumik sunniutaa tassaavoq kalaallit innuttaasut spiralilersuisoqarsimanngikkaluarneranniit ikinnerunerat. Taamaammat iliuuserisap ataatsimoorussanittaaq pisinnaatitaaffinnik innarliinerunera qulaajaalernermi ilanngullugu tamakkiisumik ukkanneqartariaqarpoq, taakkua taama allapput   

Inuit pisinnaatitaaffii pillugu ilisimasat ilanngunneqariarput

Arlaannaannulluunniit  attuumaassuteqaratik qulaajaasussat pineqartoq  kisiat sammissanngikkaat Sara Olsvig isumaqarpoq, arnallu pisinnaatitaaffii pillugit paasissutissiissutigisariaqaraat.  Tamannami pisariaqartinneqarpoq, taanna taama nassuiaavoq.

-  Tamatuma saniatigut spiralilertissimasut spiralilersuisimanermillu ilisimannittut oqaluttuaat allaganngorlugit katersorneqarneranni inuit pisinnaatitaaffiini suut unioqqutigineqarsimanersut paasissutissiissutigineqartariaqarput, Sara Olsvig oqarpoq.

Arnammi pineqartut  amerlasuut inuttut pisinnaatitaaffimminnik unioqqutitsisoqarsimasoq misigisimapput.

Ilisimatusartoqatigiillu inuit pisinnaatitaaffiinik suliaqartunik arlalinnik suleqateqartariaqartut; Sara Olsvig isumaqarpoq.

- Assersuutigalugu Inuit Pisinnaatitaaffii pillugit Siunnersuisoqatigiit, ICC aamma Danskit Inuit pisinnaatitaaffii pillugit institut pineqartut suliarineqartillugit inuit pisinnaatitaaffiinik ajornartorsiutaasinnaasunik paasissutissanik suliaqartarput.

Sara Olsvigip ilanngullugu paasissutissiissutigaa, pineqartoq pillugu ICC  naalakkersuisuinit oqaloqatigiinissamik aggersarneqarsimasoq.