FC Midtjyllandikkut Liverpoolikkullu Champions Leaguemi unammissasut

FCM-ip Tuluit Nunaanni pissartat Liverpoolikkut, Ajaxikkut Hollandimeersut Atalantakkullu Italiameersut gruppeqatigivai.
FC Midtjyllandikkut Europami isikkamik arsaattartoqatigiillammaat unammisussanngorpaat, taakkua tassaapput Tuluit Nunaanni pissartat Liverpoolikkut, Ajaxikkut Hollandimeersut Atalantakkullu Italiameersut. Assi © : Henning Bagger/Ritzau Scanpix
Allattoq Ritzau
oktobarip 01-at 2020 15:01
Nutserisoq Mads Lynge

Isikkamik arsaattartoqatigiit FC Midtjyllandikkut Tjekkiameersut Slavia Prag 4-1-imik pingasunngornermi unnukkut  ajugaaffigivaat, Europamilu isikkamik arsaannermi unammiuaarnermi Champions Leaguemi gruppeni unammiuaarnissamut anngupput.

Danmarkimi arsaattartut holdit tallimassaat Champions Leaguemi gruppeni unammeqataasussanngorput, FC Midtjyllandilu Champions Leaguemut peqataasussanngornerminni ikinnerpaamik 200 millionit koruuninik pissarsisussanngorpoq.

Champions Leaguemilu gruppenut nalunaaqutaq ataatsimut makitsisoqarpoq, FC Midtjyllandilu gruppe D-mut inissippoq.

FC Midtjylland gruppemit ingerlaqqissaguni sukataartariaqassaaq, unammisassaammi tassaapput Tuluit Nunaanni pissartat Liverpoolikkut, Atalantakkut Italiameersut kiisalu Ajaxikkut Hollandimeersut.

Gruppit allat unamminissaasa allattorsimaffii Uefa-p nittartagaani takuneqarsinnaapput.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk