Inuussutissarsiutit

Erngup mingutsinneqarneratigut raajat bakterianik nassaarfigineqanngillat

Ilulissani erngup imerneqartussap qalaateqqaarneqarnissaannik peqqussut juunip ulluisa aqqaneq aappaani atuutilersinneqartoq, Royal Greenlandip raajanik tunisassiorneranut sunniuteqarpoq.

Allattoq Jaaku Lyberth

juulip 19-at 2015 17:48

Royal Greenlandimi tunisassiat erngullu ajoquteqarunnaarnissaata tungaanut tunisassiat immikkoortilllugit illuartinneqarnissaannik 26 maj aalajangerpoq, taamaasillunilu raajat qalatatut qalipaajakkatullu tunisassiaareersut katillugit 355 tonsit illuartinneqarput imerlu 22 juni bakteriaqanngitsutut nalunaarutigneqarnissaata tungaanut illuartinneqarput

Aamma atuaruk Iluliarmiut imermik imerniarunik qalaateqqaartariaqaraat

Maanna raajanik tunisassiorfissuaq Royal Greenland nalunaarpoq nammineq Royal Greenalandimi avataaneersullu misissugaat nassaarfigineqarsimanngitsut tassalu misissukkat Clostridium Perfringensimik, Listeriamik imaluunniit e-Coli bakterianik nassaarfigineqarsimanngitsut, suliffeqarfissuarmi pitsaassusilerinermi ingerlatsisoq Annette Mortensen unnersiorpoq.

- Naammagisimaaqaarput raajat qalatat qalipaajakkallu tonsit kingulliit Ilulissaniit akuerisinnaagatsigit, uangalu misissuisimanermi inernerit ammalu Ilulissani pitsaassusilerinermik ingerlatsineq tunisassianik utertitsillunilu tamakkiisumik unitsitsiffiusariaqarsimasut naammagisimaarutigeqaakka, Anne Mortensen Royal Greenlandimeersoq oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.