Donald Trumpip Danmarkip Issittoq pillugu isumaqatigiissusiaanut allaaserisaq siammarteraa
USA-p præsidentiata Donald Trumpip, Danmarkip Issittoq pillugu isumaqatigiissusiaa pillugu allaaserisaq, USA-mi talerperliuniat nutaarsiassaqartitsivianni pingasunngornermut unnuaani saqqummiuppaa.
Trumpip Danmarkip Issittoq pillugu isumaqatigiissusiaa inoqatinut nammineq attaveqaqatiigittarfimmini Truth Socialimi allaaseraa.
Allaaserisaq nutaarsiassaqartitsiviup Newsmaxip sapaammi allaaserisaanit avitseqatigiinneruvoq.
Danmarkip Issittumi isumaqatigiissummut atatillugu illersornissamut 27,4 milliardit koruuninik aningaasaliissuteqarniarneranik ilaatigut imaqarpoq, Partiit Folketingimi amerlanerussuteqartut isumaqatigiissut tapersersoraat, Illersornissamut ministereqarfimmit tallimanngormat nalunaarutigineqarpoq.
Donald Trumpip allaaserisaq Truth Socialikkut avitseqatigiissutigaa namminerli oqaaseqarfiginagu.
Trumpip allaaserisaq sooq saqqummiunneraa ilisimaneqanngilaq, soorlu aamma Danmarkip Issittumi illersornissaq pillugu isumaqatigiissusiaa pillugu isummani saqqummiutinngikkaa.
Trump Kalaallit Nunaat pillugu oqaaseqartareersoq
Republikanerit sinnerlugit præsidenti Newsmaxip allaaserisaani eqqartorneqarpoq. Nutaarsiassaqartitsivik Newsmax talerperliuniat nutaarsiassaqartitsiviattut ilisimaneqarpoq.
Danmarkip Issittumi illersornissaq pillugu isumaqatigiissusiaa, Trumpip illersornissaq pillugu anguniagaanut nutaamut naapertuuttoq Newsmaxip allaaserisaani oqaatigineqarpoq.
Trump Kalaallit Nunaat pillugu ukiup kingulliup ingerlanerani oqaaseqartareersoq, Danmark Issittumi illersornissaq pillugu nutaamik isumaqatigiissusiortoq allaaserisami oqaatigineqarpoq.
Donald Trumpip “USA-p aamma nunat tamalaat sillimaniarnerat” pissutigalugu USA Kalaallit Nunaannik aqutsilertariaqartoq arlaleriarluni oqaatigereerpaa.
Issittumi umiarsuit, timmisartuaqqat inuttaqanngitsut, nunatta Danmarkillu akornanni atlantikup avannaani imaatigut kabeli Nuummilu Issittumi Sakkutooqarfiup allaffeqarfissaa nutaaq Danmarkip Issittumi illersornissaq isumaqatigiissusiaani ilaapput.
Issittumi umiarsuit marlunnik timmisartunillu imaani nakkutilliissutit isumaqatigiissummi tamatuma saniatigut ilaneqassapput.
Timmisartut malersuutit F-35-t katillugit 43-nngorlutik 16-inik ilaneqarnissaat pillugu 29 milliardit koruunit illersornissaq pillugu isumaqatigiissummi ilaatinneqassapput.
/ritzau/
