Tusagassiuutit: Donald Trump oqaaseqartoq: - Kalaallit suleqatigineqarput
Donald Trumpip arnat sallersaata aappaata tikeraarnissaa maanna oqaaseqarfigaa. USA-p kalaallit suleqatigai.
Trumpip nipaannini unitsillugu arnat sallersaasa aappaata Kalaallit Nunaannut sapaatip akunnerani matumani tikeraarnissaa oqaaseqarfigaa.
Allattoq Markus Valentin
marsip 24-at 2025 15:39
Nutserisoq Connie Fontain
Nutaarsiassaqartitsivik Reuters naapertorlugu amerikamiut præsidentiat, Donald Trump Kalaallit Nunaannut tunngasumik oqaaseqarpoq.
Tamanna præsidentip tullersortaata nuliata, Usha Vancep pilersaarut malillugu sisamanngorpat tikeraarnissaanut atatillugu pivoq.
- Kalaallit Nunaat uagut immaqa siunissatsinnut ilaassangatippara. Inuiattut sillimaniarnitsinnut pingaarpoq, Donald Trump USA-mi ministerit ataatsimeeqatigereerlugit oqarpoq.
Tassuunalu amerikamiut præsidentiata USA-p Kalaallit Nunaanni inuit "susoqarnissaanik kissaateqartut" suleqatigigai oqaatigaa.
