Tamaat isigalugu: Danskit partiivisa sisamat naalakkersuisoqatigiivini ministerit nutaat aajukua
Socialdemokratiet qulingiluanik, SF tallimanik, Moderaterne sisamanik Radikale Venstrellu pingasunik ministeriutitaqalerput.
Allattoq Nicole Sander Bertelsen
juunip 03-at 2026 12:49
Nutserisoq Medea Olsen
Kunngikkormiut misissuisartuata Mette Frederiksenip (Socialdemokratiet) naalakkersuisoqatigiinnik pilersitsisinnaanini kunngimut ataasinngornermi nalunaarutigaa.
Ministerit nutaat ullumikkut ilisaritinneqarput. Naalakkersuisoqatigiit tamakkiisumik isigalugit matuma ataani paasisaqarneruffigisinnaavatit.
Socialdemokratiet Mette Frederiksen siuttoralugu qulingiluanik ministeriutitaqalerput:
- Ministeriuneq Mette Frederiksen
- Aningaasarsiornermut ministeri Peter Hummelgaard
- Inatsisinik atuutsitsinermut ministeri Nicolai Wammen
- Nunanit allaneersunut akuutitsiniarnermullu ministeri Morten Bødskov
- Ilinniartitaanermut ministeri Magnus Heunicke
- Suliffissaqartitsinermut naligiissitaanermullu ministeri Ane Halsboe-Jørgensen
- Illersornissamut ministeri Jeppe Bruus
- Peqqinnissamut ilageeqarnermullu ministeri Ida Auken
- Pinngortitamut uumasullu atugarissaartitaanerannut ministeri Christian Rabjerg Madsen.
SF tallimanik ministeriutitaqalerput:
- Aningaasaqarnermut nunamullu namminermut ministeri Pia Olsen Dyhr
- Inuiaqatigiit isumannaatsuunissaannut upalungaarsimanermullu ministeri Lisbeth Bech-Nielsen
- Illoqarfinnut, avinngarusimasunilu najugalinnut angallannermullu ministeri Signe Munk
- Avatangiisinut ministeri Maria Reumert Gjerding
- Meeqqanut, utoqqarnut ineqarnermullu ministeri Jacob Mark
Moderaternekkut ministeriutitariligaat ukuupput:
- Nunanut allanut ministeri Lars Løkke Rasmussen
- Ilisimatusarnermut, ilinniartitaanermut digitalinngorsaanermullu ministeri Christina Egelund
- Akileraartarnermut ineriartortitsinermullu ministeri Jakob Engel-Schmidt
- Isumaginninnermut nunanilu avannarlernut tunngasunut ministeri Monika Rubin
Radikale Venstre danskit naalakkersuisoqatigiittaavini pingasunik ministeriutitaqalerput:
- Kulturimut ministeri Zenia Stampe (R)
- Silap pissusianut, nukissiornermut pilersornissamullu ministeri Samira Nawa (R)
- Inuussutissarsiornermut unammilleqatigiissinnaanissamullu ministeri Martin Lidegaard (R)
