Ritzau

Danmark Naalagaaffiit Peqatigiit Isumannaallisaaniaqatigiivinut ilaasortaagallartunngortoq

Danmark FN-ip isumannaallisaaniaqatigiivinut ataavartumik ilaasortaanngikkaluartoq nunanut allanut tunngasuni politikkikkut suli tusaaneqarluartassasoq naatsorsuutigigini, nunanut allanut tunngasunut ministeri Lars Løkke Rasmussen oqarpoq.

Allattoq Ritzau

juunip 07-at 2024 13:22

Nutserisoq Mads Lynge

Danmark Naalagaaffiit Peqatigiit (FN) Isumannaallisaaniaqatigiivinut ilaasortaagallartutut toqqarneqarpoq.

Naalagaaffiit Peqatigiit sisamanngornermi ualikkut ataatsimeersuarneranni taasisoqarmat taama pisoqarpoq.

Danmark, Somalia, Pakistan, Panama Grækenlandilu peqatigalugit, Isumannaallisaaniqatigiinni sunniuteqaqisuni, 2025-mi 2026-milu ilaasortaagallalissapput.

- Ullumikkut ulloq Danmarkip nunanut allanut tunngasuni politikkianut pingaaruteqarpoq, Danmarkip nunanut allanut tunngasunut ministeria Lars Løkke Rasmussen tusagassiorfinnut nalunaarummi oqarpoq.

Aamma atuaruk Immikkut ilisimasalik nunatta namminiilivinnissaanut: Manerassuarmi qeqertarpaat ilaattut iliornissaq soqutiginarpoq

Kalaallit Nunaat Savalimmiullu, Danmarkip nunani tamalaani suliniaqatigiiffinnut ilaasortaaneratigut peqataapput, soorlu Naalagaaffiit Peqatigiinnut.

Nunat 15-it Naalagaaffiit Peqatigiit Isumannaallisaaniaqatiivinut ilaasortaapput. Taakkunannga tallimat ataavartumik ilaasortaapput, tassa USA, Kina, Rusland, Frankrig Tuluillu Nunaat. Inissat sinneri qulit ilaasortanit allanit taarserarlutik ilaasortaaffigineqartarput.

Naak Danmark Naalagaaffiit Peqatigiit Isumannaallisaaniaqatigiivinut ataavartumik ilaasortaanngikkaluartoq, nunanut allanut tunngasunut ministeri Lars Løkke Rasmussen isumaqarpoq Danmark suli tusaaneqarluartassasoq.

Danmark, Naalagaaffiit Peqatigiit Isumannaallisaaniaqatigiivini tallimassaa ilaasortanngussaaq, ukiut 20-t matuma siornatigut kingullermik ilaasortaalluni.

Nutaarsiassami kukkunermik nassaarsimaguit uunga allaffigineqarsinnaavugut.