Canadamiut nioqqutissanut USA-miit eqqussuussanut akitsuusiisut
Canadamiut nioqqutissanut USA-miit eqqussuussanut 25 procentimik ippassaq marlunngornermiit atuutilertumik akitsuusiivoq.
Taamaaliornerat USA-p nioqqutissanut eqqusuussanut marlunngornermiit atuutilertumik akitsuusiineranut akissutitut iliuusiuvoq.
Canadap premierministeria, Justin Trudeau, tusagassiortunut marlunngornermi sassarami taama oqarpoq.
Nioqqutissanut eqqussuussanut akitsuut ingerlaannartumik atuutilissasoq, taanna oqarpoq.
- Taamannak nioqqutissanut eqqussuussanut akitsuusiinissamut peqqutissaqaranilu pisariaqartitaqanngilaq, Trudeau oqarpoq.
Aamma Amerikap præsidentianut, Donald Trumpimut saaffiginnilluni oqarpoq, nioqqutissanut eqqussuussanut akitsuut nutaaq assorsuaq sianiitsuliornerusoq."
Nioqqutissanut eqqussuussanut akitsuutip pisariaqartumiit sekuntimik ataatsimilluunniit sivisunerusumik atuutinnginnissaa Justin Trudeaup ukkatariniarpaaa.
Akitsuusiineq ilungersornassasoq, aammali Canadami inuussutissarsiortut sulinermillu inuussutissarsiuteqartut ikorfartorniarlugit iliuuserisinnaasat iliuuseriniaritik, taanna tusagassiortunut sassarami oqarpoq.
Nioqqutissat Canadameersut Mexicomeersullu USA-mut eqqussuussat marlunngornermi ullaamiit 25 procentimik akitsuuserneqarput.
