Blok P-p oqaluttuassartaa pillugu Odensemi saqqummersitsisoqassaaq
- Blok P-p 2012-mi ingutserneqarnerata ilutigisaanik kalaallt danskillu oqaluttuarisaanerata ilaa peerneqarpoq. Saqqummersitinermi BLOK P-mi filmiliat, assit, qarmaatissiat, inissiarsuup oqaluttuassartaa kiisalu inuit tassani najugaqarsimasut oqaluttuaat atorlugit inissiarsuup oqaluttuassartaa saqqummersinneqassaaq, Nunat Atlantikup Avannaamiut Illuutaat Odensemiittoq taama allappoq.
AAMMA ATUARUK Isumakuluuteqarnarnera takornariagassaannavorluunniit
Saqqummersitsineq aqutsisumit Rikke Diemer katitigaavoq, taassumalu Blok P pillugu oqaluttuat katersorsimavai inissiarsuarmilu betonimik sanaajusumi inuuneq pillugu taakku oqaluttuartuupput.
Blok P 500-nit najugaqarfigineqarluni, Nunatta innuttaasuisa 1 procentiinik najugaqarfigineqarsimavoq. Ullumikkut peerussimavoq, saqqummersitsinermili inuit Naalagaaffeqatigiinni inissiarsuit anginersaasa ilaanni najugaqarsimasut misigisaat oqaluttuarineqarput.
Blok P-mi nammineq misigisamik oqaluttuassaaq
Isiginnaartitsisartoq tusagassiortorlu Nunatsinneersoq, Vivi Sørensen, Blok P pillugu misigisani ammaanermut atatillugu.
Saqqummersitsinerup ammarneqarnera tamanut ammasuuvoq kikkulluunniit tikilluaqqusaallutik, isernerlu akeqassanngilaq.